قصيده عن قصه حقيقة

قبل لا تقرون القصيده لازم تعرفون القصة .......
واحد اسمه خالد جاه مرض وقالوله انه بيموت وكتب الشعر لصديقه يقول له فيه انه يحب حبيبته ويبي من صديقه يخليها تنساه
.......
اقروا القصيده والله انها تستاهل
وراح تعرف معنى الحب الحقيقي



وصاتي لك من بعدي
تموت فيها علشاني
ابيهل تعيش وتحيا بك
واظل بالذاكره مفقود

وصاتي لك تنسيها
ملامح وجهي وتنساني
وتعزفها قصيدة حب
على عكس اللي عزفته بعوود

وصاتي لك تبعدها
عن اشعاري وقيفاني
تراها مغرمة بالحيل
ويشهد لي عدد الردود

وصاتي لك تسايرها
ترى فيها من احزاني
طلبتك لا تضيق بالك
طلبتك والطلب مردود

وصاتي لك تناديها
حياتي .. عمري.. ازماني
انا عودتها دايم
ادلعها وانا موجود

وصاتي لم تعاملها
بطيبة قلب واحساني
تراها تذرف الدمعه
ودمعاتها بليا حدود

وصاتي لك تحفظها
سور وآيات قرآني
وتخبرها عن الميت
رحل لا يمكنه بيعود

وصاتي لك ترسمها
على قبري واكفاني
ابيها لوحة تبقى
على طول الزمن محدود

وصاتي لك تمازحها
وتشوف الضحكه باسناني
سعيتك يا ضحك هالكون
طلبتك لا تصير جلمود

وصاتي لك تقهويها
من دلالي وفنجالي
تراها تعشق السمرا
ويكفيها دهن العود

وصاتي لك تركبها
على خيلي وعلى حصاني
وربي فارسه من قلب
شهاده ماهي لشهود

وصاتي لك تسفرها
بلاد الشام ولبناني
ترى يحلالها تقطف
ورده من بلد الورود

وصاتي لك تراقصها
على الحان رحباني
ترى فيها عرق خاله
وفيها من جنون السود

وصاتي لك تحببها
فابو نوره بعد هاني
وتنسيها ندم غلطه
انا فيها ترى المقصود

وصاتي لك تكرهها
فتاريخي وعنواني
ابيها تلعن اللحظه
وتلعن كل فرح موعود

وصاتي لك تكلمها
عن المجني وعن الجاني
وتخليني انا الظالم
وانا من حرق الاخدود

وصاتي لك تشبهني
بدم احمر قاني
وانا هالقاتل السفاح
مجرم من عصر نمرود

وصاتي لك تحلفها
تتوب تحبني ثاني
ترى يكفيها ما عانت
ويكفي حيلها مهدود

وصاتي لك تنسيها
وصيه قالها لساني
انا اخبرك رجل موقف
وانت قدها وقدود

صديقي مالقيت غيرك
يعرف وشلون تنساني
امانه ضمها بقلبك
ترى خالد رحل ما يعود


هذي هي الدنيا الطيب ما يدوم والصادق والخير
لكن هل في حب جي فعلا؟
حتى الريال قبل لا يموت حاول انه يخلي حبيبته تنساه باي طريقه
صراحه الله يعين هالصديق اللي يقدر يوفي بتنفيذ وصية صديقه والله يعين المحبوبه اذا قرت هالابيات هل بتقدر تنساه بالعكس راح تحبه اكثر حتى وهو ميت
الله يرحمه


تحيــــاااااتي ((فــــــروووووووووووووووووسه))